समाज

विश्व रेविज दिवसको अवसर पारेर विर्तामोड नगरपालिका पशुपन्छी तथा मत्स्य विकास शाखाले यहि मिति २०७७ असोज १२ देखि १८ गतेसम्म निःशुल्क रेबिज बिरुद्धको खोप लगाउने कार्यक्रम आयोजना गरेको छ । सबैले आ—आफ्नो घर तथा समुदायमा रहेका सामुदायिक कुकुर र बिरालोहरू पशुपन्छी तथा मत्स्य विकास शाखामा ल्याई खोप लगाउनुहुन आम नगरवासीहरूमा अनुरोध गरेको छ । रेबिज एउटा भाइरस हो, यसलाई न्यूरोट्रोपीक भाइरस भनिन्छ । यस वर्षको विश्व रेबिज दिवसको नारा 'End Rabbies: Collaborate and Vaccinate' रहेको छ । यसै नारामा ऐक्यवद्धता जनाउदै नगरले यो निशुल्क खोप कार्यक्रमको आयोजना हरेक वर्ष झै गर्दैै आएको छ । विश्व रेबीज दिवस रेबीज रोकथामको लागि कार्य र जागरूकताको पहिलो र एक मात्र विश्वव्यापी दिन हो । यो समुदायको रूपमा एकजुट हुने अवसर हो । सेप्टेम्बर २८ विश्व रेविज विरुद्धको दिवश हो । यस वर्ष १४ औं दिवश विश...